Hero-i Achiever 150 sayaogo

New Delhi, Sept. 26 (Agencies): Hero-i mapang talangka nungi yongyaseta aliba Achiever 150 sayaogo aser memunui Bajaj V15, Honda CB Unicorn 150 amala den tokteptettsü.

India nung Drum Brakes aliba Achiever 150 ex-showroom, Delhi jenjang nung sen 61,800 aser Disc Brake alibaji sen 62,800 agi ayoktsü lateta lir. Hero MotoCorp-i 2017 April ita tashi nung sayatsü sentong aliba oset 15 rongnung Hero Achiever 150 ya mezüng sayar asütsü. Hero MotoCorp-i, Achiever 150 tasenba nung 150cc engine tasenba den design-a tasen jenti keta lir.

Ano iba bike nung i3S mesüra ‘Idle Start Stop System’ keta aliba ajanga totzü kanga ajema atsüktsü. Tanüputu indang Achiever 150 nung 149.2cc engine alir aser item bike jagi 13.4bhp aser 12.8Nm torque agütsür.

Iba engine ya 5-speed transmission den sentaktepa lir. Hero Achiever 150 ajanga nüngdakba design aser inyakyim ajak agütsütettsü tamang akar aser sena tangar den lirumedema tajemba agi agütsütsü meranger, ta company sangdong ka ajanga metetdaktsü.