Obama, DiCaprio nati tzü-mopung melenshiba atema jembitsü

Los Angeles, Sept. 26 (Agencies): US Tir, Barack Obama aser Oscar sempet angur actor, Leonardo DiCaprio na taruba hopta White House festival, SXSL nung alima tzü-mopung melenshiba nokdangtsü atema o lemtep akatsü.

Tena o lemtep akaba sülen DiCaprio indang tzü mopung dak sentakba “Before the Flood” documentary reprangtsü, ta The Hollywood Reporter ajanga metetdaktsü. Iba sentong lapokba nung arishi küm 41 tain, commander-in-chief- climate scientist, Dr Katharine Hayhoe den tzü mopung atema jembiba mapang adentsü aser iba mapang parnoki tarutsü putu atema alima kümzüka yutsütsü atema jembisemtsü.

“The Revenant” film nung tongti shilem agisang DiCaprio-i, “#climatechange atema olemtepba mapang @POTUS aser @KHayhoe na den mensemtsü yongyar,” ta twitter ajanga metetdaktsü.