Sumi, Lotha aser Ao MLA temi mepishir

Dimapur, September 26 (TYO) : Sumi, Lotha aser Ao kintem nungi MLA temi Naga nunger longjemtsü aser tarutsü ajungtsü atema Kin asem Hoho aser Naga Hoho tsüngda mangatettep alibatem angatetteptsü mepishia metetdaktsü.

Naga nunger dak sendakba tongtipang onüktem ajak kanga junga olemtepa aser shisadanga angatetteptsüla, kechiyong ibaji Naga nunger longjemtsü asoshi kanga tongtipang lir, ta parnoki sangdong nung shia lir.

Onoki Civil Society Organisation balala nung lennir ajak dang atsüanem lia mapa inyaktsü mepishir aser onokia tarutsü anogotem nung nenok den külemi teka amteper inyaktsü aotsü mulunga lir ta kin asem nungi MLA tem- Y. Patton, G. Kaito, Pukhayi, Y. Vikheho Swu, N. Jacob Zhimomi, Dr. Benjongliba Aier, Amenba Yaden, Dr. Longriniken, Shitoyi Sema, Khekaho Assumi, Imtikumzuk, Er. Picto Shohe, Nuklutoshi, Tokheho, Imkong Imchen, Tovihoto Ayemi, S. Chuba Lkr, Apok Jamir, S.I. Jamir, Merentoshi R. Jamir, Dr. Imtiwabang, Hukavi, Dr. T.M Lotha,, Mhonlumo aser N. Thomas Lotha nungeri sign asüba sangdong nungsa shia lir.