Dimapur nung lease inyakyim nung toll tax sarutsü memelar

Dimapur, September 26 (TYO): September 19, 2016 nü Municipal Affairs Department, Kohima-i October 2016 nungi Dimapur nung tax, tolls & fees atema lease system tenzüktsü ta osang metetdaktsüba magizüker, ta Dimapur nung tongtibang lokti atema inyakba teloktemi sangdong ka nung metetdaktsü.

Dimapur Municipal Council (DMC) nem toll tax sarutsü temelaba agütsüba sülen nungi Dimapur jila nung terenlok mapa jenti inyaka arur. Sen saruba ajanga Dimapur nung gari lenmang, apu, culverts aser kilentzü aolen amala yangluyonga arur. Iba ama terenlok mapa inyakba angudang public kanga pelar aser onoki DMC pusema nungiter, kechiyong parnoki toll tax nungi sen sarutetba timi amshiba angur, ta Naga Council Dimapur, Dimapur Urban Council Chairmen Federation, Dimapur Chamber of Commerce & Industry, GB’s Union Dimapur, Dimapur Naga Students’ Union, Business Association of Nagas, Muslim Council Dimapur aser Bengali Samaj Dimapur nungertemi külem sangdong nung shia lir.

Dimapur nung terenlok mapa inyakba mapang ka nung, sorkari toll tax mapa contract system nung agütsütsü lemtetbaji, nübortem anema aser terenlok anema inyakba ama ajiteter. Anungji, Dimapur nung aliba civil societies-i Dimapur nung iba inyakyim metenzükdaktsütsü aser sorkari sangdongba mapaji meinyakdaktsüi nokdangtsü, ta

Maneni, sorkar nungi contract agizüka inyaker nisung shinga nema toll tax mesarudaktsütsü. Public-i iba mapa magizüktsü anungji toll tax sarutsü atema contract agizüka inyakertemi khuret abentsü,