Enchanted Valley Carnival nung shilem agitsü yongyaseter: Farhan Akhtar

Mumbai, September 27 (Agencies): Farhan Akhtar aser par telok, Farhan Live-i  Enchanted Valley Carnival (EVC) sentong nung shilem agitsü renema lir aser film yanglur aser kentener Farhan-i iba sentong nung jangratema shilem agia pelatsü yongyaseter.

Bollywood sabang nung anogo 2 agia agitsü ayongba ken tabu balala aika tena  pelateptsü sentong mezüngbuba anogo nung Farhan aser par teloki ken ajanga shilem agitsü.

Bollywood külen yutsür ano EVC-i international techno artistes – Carlo Lio, Jeremy Olander aser Stephan Bodzin nunger den tesentaktep kanga junga yanglua lir.

“Taküm December ita  agitsü ayongba Enchanted Valley Carnival nung ni ozü telok, Farhan Live den külemi shilem agitsü jangraseter. EVC nung Hollywood tan mezüngsüa shilem agiba mapang ni mezüng shilem agitsü maongka ngutetba atema kanga pelar,” ta Farhan-i ashi.

4 buba EVC nung Bollywood aser interational pop inoksema, tanga mapang dang nungi tuluba aser tajungba asütsü imlar.

Iba sentong nung linük nüburtemi India sobaliba dak sentakba sentong aika angutsü.

Iba sentong ya December ita 17-18 nü tashi Aamby Valley Airstrip nung agitsü.