Intex-i sen 4,699 alang ‘Cloud Q11’ smartphone sayaogo

New Delhi, September 27 (Agencies): India nung smartphone yanglur tentet, Intex technologies-i 3D amshitetba sen 4,699 alang smartphone tasen ka tanü, Mongolbar nü sayaogo.

Cloud Q11 smartphone nung LFTY – Experience the New Left ta ajaba inyakyim densema lir aser iba ajanga phone amshirtemi phone tabelenlen nungi kechisarena ajunga mela mela amshitettsü.

Khen dang swipe asüba sülen screen ka nung dang video, music, news, shopping, weather aser twitter amala adoktsü.

“Cloud Q11 nung onoki inyakyim tasen ana inokja lir – 3D inyakyim aser VAS inyakyim, LFTY. Aser iba ajanga phone screen abelenlen nüngdakba aika angutsü. Onoki nüburtem asoshi iba phone Amazon nung sayatetba atema kanga pelar,” ta Intex Technologies, Online Mobile Sales nung General Manager, Gurbinder Sodhi-i metetdaktsü.

3G amshitetba smartphone tasenba nung 1280×720  resolution aketba 5.5-inch HD display keta lir.

Cloud Q11 smartphone ya 1.3 Ghz Quad-core Mediatek processor agi mapa inyakdaktsür aser telung 1GB RAM, 8GB ROM aser memory ulutsütsüsa 32GB memory-ia inoksemja lir. Phone nung ano Marshmallow ta ajaba Android 6.0 operating system tasenba inokja lir.

Iba smartphone ya Amazon nung sentsü temesüng aser anüng sentsü na nung  angutsü.