West Bengal nung police dak azüker trok apu

Kolkata, September 27 (Agencies): West Bengal coastal resort, Mandarmani nung police dak azükba atema tetsür ana dena raliwalir parnok trok pua lir, ta Mongolbarnü police-i metetdaktsü.

Hombarnü item raliwalirtem yi agi mesepa jemer aliba agi tzüküm anüker police kari parnok tzü anasa moudaktsüi nokdangba ajanga parnoki tejashi nung police tem dak azük.

“Parnok raliwalirtemji nisung trok aru. Parnok ya Hombarnep 4:00 ako meta tzüyim nung tzü chigotsü atema aru saka parnok yi jemer aliba agi duty ataa alir coastal guard temi nokdang,” ta East Midnapore district kübok Mandarmani coastal police station nung OC, Partha Biswas-i ashi.

“Parnoki police tem den raratep tenzük aser tetsür constable ka dak kanga mejungi azük. La dang mozükidang lir,” ta paisa shisem.

Police dak azüker rongnung tongti Anirban Kundu aser Mohit Singh na den tena kinungtsür, kinunger ka aser tembar ka ta densema liasü.

Ano tatalokba balaka nung item kasa nisungtem yagi parnok anenba hotel manager daka azük.

Sorkar tenzüker duty mapang timtem agütsüba, yirutsüba aser ozüng alema inyakba atema parnok trok anema IPC 186, IPC 333, aser IPC 506 kübok  ken o benoka lir.