AFC Cup: Bengaluru o Johor nati kasa jenjang angu

Johor Bahru, September 28 (Agencies): Bengaluru FC teloki goal 1-1 agi Johor Darul Ta’zim telok den draw jenjang ngua, Asian Football Confederation (AFC) Cup semifinal mezüngbuba shilem nung tanü, Bodbar nü shilem agiogo.

Tanü asaya tenzüker minute 53 buba nung Jorge Pereyra Diaz-i goal 1 agüja, par Johor telok temaba jenjang nung ajungkettsü.

Ajisüaka, Eugeneson Lyngdoh-i minute 57 buba nung goal meyiptsü yong par Bengaluru telok aser Johor na kasa jenjang aküm.

Tanü asaya nung draw jenjang ngutetbaji I-League champions, Bengaluru teloki otsüsütsüsa tan asayamong final nung shilem agitsü jenjang ngutettsüsa mera agir lir.

Dempo (2008) aser East Bengal (2013) na sülenbo Bengaluru telok ya AFC Cup semifinal asayatsü jenjang ajangzüker India nung tentetba football telok 3 buba lir saka tanü tashi nung India telok kati danga final asayatsü jenjang monguteti lir.

Bengaluru teloki par semifinal tanabuba shilem taruba October ita 19 nü Bengaluru kübok Kanteerava Stadium nung asayatsü.