Jayaram Korea Open 2 buba round tongogo

Seoul, September 28 (Agencies): India nunger badminton asayar, Ajay Jayaram aser B Sai Praneeth nati par 1 buba round asaya koka, tang tasaydak Korea Open Super Series badminton asayamong tebur singles 2 buba round asayatsü jenjang tanü, Bodbar nü ajangzükogo.

Ajisüaka, külem asayar, K Srikanth, P Kashyap, H S Prannoy aser Tanvi Lad nungeri tamakok ngua, tan asayamong nung joko toktepa masayatettsüsa jenjang tamajung ajurua liasü.

Jayaram-i tanü minute 45 nung points 23-21 21-18 ngua, Korea nunger Jeon Hyeok tsükdaktsüba sülen China nunger Huang Yuxiang den taruba asaya asayatsü lemzükogo.

Praneeth-ia ghonda 1 shi nung points 21-13 12-21 21-15 anguba sülen Chinese Taipei nunger Hsu Jen-hao madak takok angu aser pai Korea nunger Son Wan Ho den 2 buba round asayatsü.