Mangkolemba nung Swachh Bharat Abhiyan saya ka sayu

Dimapur, September 29 (TYO) : Mokokchung District kübok Mangkolemba jila nung Kilang Imsong-i direct asüba Swachhta Pakhwada indang minute 15 street play ka Hill Theatre züngsemtem ia sayu. Iba “USE ME” saya ajanga asen lokti nung lipoküm menenba asadangba sayu aser iba sentong school tanur parnok nisung 400 shi den jila nung aliba nüburtem adenshia reprangtep.

Iba saya ajanga jana intoktsü asoshi tesem kanga junga mesemteta ayutsü tebilemba tajung maliba ajanga jilatem merüka meyutetba mangateti asenok o asenok na tongtepba sayu.

Parnoki iba saya ajanga dustbin tem aser jana intokba tesem kanga junga angateta amshitsü dena iba saya nungsa sayu.

Hill Theatre-i iba minute 15 saya ajanga tereprangtem, balakata kaketshirtemi, langka tajung kabosa angazüker alitsü imlar.

Ibai Hill Theatre-i NEZCC, Ministry of Culture, Govt of India den lungjemer Swachhta Pakhwada inyakyim ajungkettsüba mapa ka lir.