ANMFS teloki parnok CE dang pelar

Kohima, Sept.29 (TYO) : Tang Nagaland PWD kübok Mechanical department nung mapa tazüng terka adoka lir aser item rongnung tang workcharge nung teinyakdak purtem regularize asütsü asoshi tuko yutsütsü aser tanüngba ana nung tasen shimoktsü ta telemtetba agiba osang ka Chief Engineer (Mechanical), Nagaland PWD, Wb. Er. Limatemsü Longkumeri metetdaktsüogo.

Iba telemtetba ya September 27, 2016 nü Mechanical department nung Senior Engineer-tem den All Nagaland Mechanical Field Staff Association purtem senden ka amenba mapang lemtet.

Iba kasa senden nungsa tang nungi sorkar-i lemteta aliba ama, kodangsa department nung mapa tazüng adokdir tang work charge nung teinyakdak pur asoshi shilem 67% aser tasen purtem asoshi shilem 33% alitsü ta telemtetba agiogo.

Iba ama ANMFSA ajanga benokba nüngdak angateta inyaktsüba asoshi Chief Engineer aser pa kübok inyaker engineer tem ajak dang kanga pelar ta ANMFSA tongti ketdangpurtemi metetdaktsüogo.