IAS probationer-temi DGC semdang

September 27, 2016 nü IAS probationer-tem-i Dimapur Govt. College semdangba mapang tangokba noksa ka yangi angur

 Dimapur, Sept.29 (TYO) : Northeast India tesem balala nung yoka aliba IAS probationer-tem parnok ajak agi 23 tang tesem balala semdanga senzüba sentong ka nung jajadagi aser parnoki yakanü September 27 nü Dimapur Govt. College semdanga yangji tesayurtem den shisalemsatepba sentong tajung ka agiogo.

Iba sentong nung DGC nung principal Wb.Akok Walling menden liasü aser tesayurtem rongnung Wt.Kavili Jakhalu, Dr.Jamedi Longkumer aser Wb. Asish, Library Assistant nungertemi shilem agia Nagaland indang temetettsütem kar indang shia liasü. Iba sülen IAS probationer-tem aser tesayurtem na tsüngda Nagaland dak aketba wadang aser maparen tapu balala nung o lemtepba mapang agia liasü.

Iba sentong tembanga Dimapur nung District Revenue Officer, Wb.Henok Buchemi jembia liasü.

Taküm 2016 küm Dimapur College lapoker küm 50 ajungba jubilee mong November 3 nü amongtsü sentong renema lir.