Champions League: Barcelona teloki takok angu

Moenchengladbach, September 29 (Agencies): Yirua alisang, Lionel Messi madenba Barcelona teloki goal 2-1 agi Borussia Moenchengladbach telok madak takok ngua, par Champions League asaya yashi, Bodbar nü asayogo.

Yashi asaya tenzüker minute 34 buba nung Thorgan Hazard-i külem asayar, Mahmoud Dahoud-i renemtsüba pass ball agizüka, par Moenchengladbach telok asoshi 1 buba goal agütsü.

Ajisüaka, asaya tenzüker minute 65 buba nung Neymar-i yanglutsüba cross ball agizüka, Arda Turan-i par Barcelona telok tenüng nung goal agüja, telok anaprongla kasa jenjang kümdaktsü.

Tesülen, Gerard Piquet-i Neymar-i metsüoktsüba corner ball agizüka, par Barcelona telok asoshi tanabuba aser takokba goal agüja, par telok nem takok ngudaktsü.