Billy Graham, Kuki United, Senapati & Forerunners teloktemi takok angu

17 buba NSF Martyrs’ Memorial Football Tournament nung shilem agir, Kuki United aser Red Hawks FC asayartemi toktepa asayaba noksa ka yangi angur. (Kohima, September 29)

 Kohima, September 29 (TYO): Billy Graham Football Club, Kuki United, Senapati FC aser Forerunners teloktemi takok ngua, 17 buba NSF Martyrs’ Memorial Football Tournament 2 buba round-i tanü, Brehostibar nü iogo.

Billy Graham teloki goal 2-1 agi Vanguard FC telok mezüngbuba asaya nung tsükdaktsü.

Chise Nyusou aser Neikethozo nati minute 8 aser 60 buba nung takokba goal agütsü aser Calvin-ia minute 70 buba nung par Vanguard telok tenüng nung goal ka agüja liasü.

Tanü tanabuba asaya nung Kuki teloki goal 6-0 agi Red Hawks FC Dihoma madak ajemshia akok.

Seilenmang-i tanü goal 3 tashi agüja, tan asayamong nung hat-trick yanglur asayar 6 buba akümba den, külem asayar, Simon Sithou, Gigin Haokip aser Kamgoulen Haokip nungeri minute 4, 56 aser 75 buba nung goal kaka agüja, par Kuki telok nem takok ngudaktsü.

Tasembuba asaya nung Senapati teloki goal 4-1 agi Upper Bayavu YO telok madak takok angu.

Joseph-i asaya tenzüker second 30 tsüngda nung goal agüja, tan asayamong nung tekaratiba mapang nung goal agütsür asayar küma, par Bayau telok temaba jenjang nung ajungkettsü.

Ajisüaka, Sulunu-i minute 20 buba nung goal meyipja par telok anaprongla kasa jenjang kümdaktsüba sülen külem asayar, Sushil, Sana aser Vareiyang nungeri goal kaka agütsüba ajanga par Senapati teloki takok nguadok.

Tatembangba asaya nung Forerunners FC 4th NAP teloki taoba champions, Lamkang SC telok goal 2-1 agi tsükdaktsü.

Bungthot-i minute 33 buba nung goal agüja, par Lamkang telok temaba jenjang nung ajungkettsü saka Mathew aser Seyiekhrietuo nati goal kaka agüja, par NAP telok nem takok ngudaktsü.

September 30 nü asaya yamai alitsü:

1.       Phüsachodü FC vs Tragopan Club Viswema @9:30am
2.       Renegades FC vs Asüfü Christian Institute @11am
3.       Barak FC vs Street Hawk FC

      @ 12:30pm

4.       Kezoma VSU vs Phileo FC @2pm