IPR Website yanglushiogo

Dimapur, September 29 (TYO) : September 29, 2016 nü Secretary IPR, T Ao, IAS-i Department of Information & Public Relations indang Official Website melenshia yanglushiba, IPR Citadel Conference Hall, Kohima nung sayatsüogo

T Ao-i, iba website nung Naga News (department indang anogoshi osang), noksatem, sorkar advertisement, temetettsü aser osang tsüsang ajak angutsü, ta o jembidang ashi.

Sentong lapoktsüdang T Ao-i, mapang talangka nungi yongyaseta ata aliba Journalist Welfare Fund-a Cabinet-i agizükogo, ta metetdaktsü.

Iba sentong Director IPR, Limawati Ao-i ketdang asü aser pai, iba website nung tapu ajak angutsü aser State nung aliba osangbenertem ang masü saka tanga state nung aliba osangbenertem dena kanga ajangzüktsü, ta ashi.

IPR website nung VIP Profile, Photo Video Gallery, Naga News, Notification (Press Release/Announcement/Circulars/etc.), Article Publications, Archives, District/Festivals Profile den GIS Maps Integration, Downloads aser Contact Directory keta lir.

IPR website ya www.ipr.nagaland.gov.in ajanga lapoktettsü