Tetsür James Bond mapang tongogo: Lily Cole

London, October 02 (Agencies): Actress, Lily Cole-i, joko tetsür James Bond film atema mapang tongogo, aser lai Cate Blanchett-i Bond shilem agia reprangdangner, ta ashi.
Arishi küm  28 model, entrepreneur aser actress Cole-isa, la nem maongka dang agütsüra lai Bond den tongti shilem agir tetsür ama masü saka Bond shilem aginer, ta ashi.
Nai Bond den külemi tongti tetsür shilem aginer asü ta asüngdangba langzüdang Cole-i  BANG Showbiz dang, “Ni Bond shilem ang aginer. Bond nung tetsür shilemji kanga jangratemrabo masü ama ni bilemer, ajisüaka Bond shilem agibajisa tajungba asütsü. Ni tetsür aser tebur stereotype maginer,” ta ashi.
“Joko tetsür Bond film adoktsü mapang tongogo ta ni bilemer,” ta laisa ashi.
Tetsür shibai James Bond shilemji junga agitettsü ama bilemer ta asüngdangba langzüdang lai, “Tetsür actress tajung aika lir. Kü mulungjangi Cate Blanchett arur. Ni bilemer, lai iba shilem junga agitettsü,” ta ashi.