Arunachal nung Air force-i ALGs 7 lapoktsü

Itanagar, October 2 (Agencies): Indian Air Force (IAF)-i Arunachal Pradesh nung Advanced Landing Grounds (ALGs) tenet nung mapa inyaktsü renemogo.
Küm ana dak tali yanglushiba sülen Advanced Landing Ground lapoktsü aser iba ajanga linük nem teyari tulu agütsütsü. 2009 küm sen crore 700 mapatong tali kümkümshir inyaktsü tenzüka liasü.
Iba tesem ya India aser China tsüngda ashishiteper aser iba nung Line of Actual Control ji arrtsü ama lir.
Tang tashi nung ALG pungu lapokogo aser taküm küm tatemlen tashi nung ALG ana lapoktsü.
Tawang nung ALG ano meyangluzük lir aser iba nungbo C-130J Super Hercules tayimtsü anentettsü.
Arunachal nung yangluba ALGs nung aonunga tayimtsütem anentettsüsa yanglur aser iba ya arrtsü anüker sepaitem atema teyari tulu lir.
Item tayimtsü anendak nung civil tayimtsütema anentettsü aser iba jagi infrastructure & tourism jenjang ajungkettsü imlar.