Senapati nung truck gari 2 rongdoktsü

Imphal, October 2 (Agencies) : Senapati district nung Khongnem aser Karong tsüngda NH 2 nung nokdangertemi truck gari ana rongdoktsü.
Iba osang angashia Senapati district headquarter nungi mi ensepertem aser police tem tesem tonga aodangbo, truck gari anaji mitsü küma rongdoker liasü.
ADC Senapati nung Contract Basis Appointed Teachers Association (CBATA)-i September 25, 2016 ayaterm nungi Imphal-Dimapur highway noktanger lungkak aittsü ayongzüka liasü. Parnoki itasen meshiba den mapa regularization asütsü takhangba agüja lungkak aiter.