Rong lendong ka nung Lindsay Lohan yiru

October 03, 2016 : Turkey nung rong lendong ka nung Lindsay Lohan temeyong tila ka intokba ajanga aritepa surgery agi.
Film actress, Lindsay-i rong sota ayuba merang taret (anchor) atsüa arutsü merangdang lisü nung waiteper tzü nung lua tsük, ta TMZ osang ajanga metetdaktsü.
Lohan-i, küri inokba temeyong tilaka ajenzüka tsükba tzü nungi agitet, ta social media ajanga metetdaktsü.
“Kü temeyong rangben ajentoktsü liasü. Oda tilaka dang intok aser aji anguba atema kanga pelar,” ta lai Snapchat nung zülu.
“Ibaji arloktsü atema surgery ka tang agiogo aser zübu kanga angor,” ta lai ashi.
Lar medemertemi la meyong tzü nung kanga aritepa bushia ngur mozü kidang oa surgery ka agia arlokogo.
Mean Girls film nung tongti shilem agila, Lindsay ya Syria refugee nungittsü atema inyakba tesem ka nung lia iba lendong ya atalok.
Lai refugee Hussein’er kibong aser Istanbul mozüki na semdangogo.
Lohan-i, “Hussein’er kibong semdangdang ajuruba tetsür, Heya ni mamateter. La tetsü mali aser onoki la nem agütsüba sempet tem jagi la nem tepela kecha belaka magütsü. La kü tepi manung amendang kü dak tashi-i azüit,” ta Instagram nung lemsatep.
“Ni la kou nung teni agi tsükiter la teka bener arua tashii azüit. Iba mapang nung asenoki kati ka atema mapa tajung tang dang nungi tali inyaktettsü ta angateta aru,” ta lai shisem.
“Asenoki mapa tajungji Turkey nungi tenzüktettsü. Iba linük yagi refugee million 3 tashi menungnangi agizük. Asenoki tanü nungi tenzüka ano mapa tajung tali inyakdi,” ta Lindsay-i ashi.