Kohima nung RTI week amungtsü

Dimapur, October 4 (TYO) : Nagaland Information Commission-i tetuyuba agütsüba ama Kohima District nung October 5-12, 2016 tashi Right to Information week amungtsü ta osang metetdaktsü.
Iba dak sendakba nung District Administration-i October 12, 2016 nü Kohima district kübok press dena NGOs aser CSOs den anogo ka workshop/seminar ayongzüka agitsü.
Iba sentongji DC indang Conference hall nung anepdang 11:00 ako nung tenzüktsü aser omenji “RTI Act and role of NGOs and CSOs” alitsü.