Shinga danga meshitetba timtem aser tejashi asen sasa melenshitettsü

–  I. Imdong Ozüküm, E.Er.Dimapur.

1. Tanü asüng TEBUTEM SCHOOL nung mamangtsü ka tesayur ajanga Tsüngrem nungi temoatsü angur.
2. Arogotem nem kanga temoatsü aser tangazüktsü aser tajangzük agütsübaji tebutem school ya ka lir.
3. Ni ashitsü agibo ibai kibong nung tesadang ka nung (Revival) asentenshi atokba ka amai lir.
4. Tebu tajungtem temesepba lar kümer aser mozü (drugs) chia kibong kong lir ? Sentep kong lir? Tsüngrem kong lir? Chirnur memetet aser kinungtsü nüktsü yima kijai kibong khuret abenba memetet.
5. Yimdong asü ? Keilentsü asü ? Kima asü ? Ajak par yipten kümer kin aser yimer maksüa mejangertem.
6. Sen bena aruba denbo chia jema indokba itasen kodanga kinungtsü ket matonger.
7. Kinungtsüi kinungbo tsübuseta aliba kibong, chirnuertemi tebu den mejembinur kechiyong tebu mapa agi chirnur akseter aser tsürabur tajung chir den society, telok nung metenteter.
8. Kidang tebui o tanang kata mejembir aser mapang shidak nung kidangi marur. Kibong khuret memetet kong nungi bena arua chiyonger memetet, renema alibaji ara aita chionger ak ama kook kook ta mejangtsü dang metetba tebu tem aikasa liasü.
9. Tazüngbajibo tuluka azüng, sempet tajung aika pa dak lir, saka society nung pa mamshiteter.
10. Meshimetsür ama sübotsü sobur ku agi sakbanger, pangsemo agi meyipanger majiteter.
11. Tsürabur aser adianu memetet. Temeimtep samar tetsübu aser tesempar dang temeimer mali.
12. Ajaki kanga meimer saka pa dang kecha meshiteter kechiyong  pa tazünger aser temeteter ka. SAKA TEBUTEM SCHOOL NUNG ADEN ASER MELENSHI.
13. Temesepba indok, Sali moko indok, mozü machir, kipong nung temeim ait, kibong ajunga sentepi arur. Tangbo kanga sarasademer, ter shilem shidak agutsür, kinungtsü, chirnur den jepa sarasademer.
14. Tebui dangbo kima yimtong kilentsü nung mejangba to aker aser tali tajungba akümer.
15. Tangbo kinungtsü aser chirnuri kinungbo tsübutsü melena tebuiang parnok küboki ia tenzüker.
16. Kinungbui O tanang agi tanük agi tanemi jembir aser kinungtsü aser chirnur kanga pelar.
17. Tangbo yimdongi maoer ki mapa ji kechi aji dangang meteta arur aser mapa matemer.
18. Odanga tazüngerji pai kakut aser laishiba zünga kümogo, parnokji arogo nokdang asutsü yimlar.
19. Joko subotsü to melen, ku to mejeptok, sali machirji tebu to temesüng, sentsü tajung peloksar senzüya alibadangjito, dangbo SAHIB ama dang kümer koda jangratemtsüka.
20. Kinunger aser kiyonger pur medemer tembartem kanga pelateper pa melenshiba ajanga.
21. Saka ken ken aibelen nung mashishitsü junger, kechiaser pa-a nisung dang aser kokra tebu dak kinungtsü aser chirnuri tajung dang ajitetra tebu kaji tali tajunggba akümtsü ta bilemtsüla. Kinungtsü aser chirnuri advantage magitsü junger, kechiyong kinungboi soruchioktsü angazüka lir, pai sorochiok dang yariangma , kechiyong paji kibong nung tokolak ka lir. Pai angazükyonga pa mapa metettsü mepishir, kechiyong kibong/yimten/sobaliba ajak pa dak idaka lir. aser tebuji kibong nung anüshi (umbrella) ka ama lir ta ajaki meteta lir. Tebu kaji kibong nung Rong anisangji lir tebu kaji akümdong ka lir ta metet. Menoknok anokyonga tetsüi anir tanur ajaki tebu bushir, tsüngpret aser tsüngi ayi danga tebu dak ajaki arua jenoker, saka tebu jagia item lendong nungjibo kecha mesutettsü surnung tebu/obala ta akümtongji nungdaka lir. saka tebu jia shisabulua tsübudar sung!!!
Tsüngremi tajunglen agi azünger tem temoatsü sudakjang ta sarasademer. Amen.