NPBCAWD 4 buba Triennial Conference alitsü

Dimapur, October 5 (TYO) : Nagaland Police Baptist Churches Association Women Department 4 buba Triennial Conference October 7-9, 2016 nung amungtsü.
Iba mungdangji PBC Bhandari 7th NAP Bn. nung alitsü aser tetushi süa jaokerji DGP, Nagaland kinungtsü Mrs. Kimi Doungel asütsü, ta tanü sangdong ka nung metetdaktsü.
Mungdang nung Bendang Lemtur, IPS, IGP NAP, V.Z. Angami, CO 7th NAP Bn. aser Chuba Walling Dy/CO 7th NAP Bn nungertemi tajungshi o jembitsü aser tongti o jembirtemji Women Secretary, NBCCWD Ms. Visasieu Doli, Women Secretary, NPBCAWD Mrs. Pusuinla Longkumer aser Pastor, PBC Tuensang Rev. N.Somba nungertem asütsü, ta sangdong nungsa shia lir.
Ano, workshop atema shisalen agütsürtemji Mrs. Akole Mero (Dignity of Labour) aser Dr. Mhalo Ezung, Dy/CO 7th NAP Bn na alitsü aser Rev. Dr. Hukashe Zhimomi, Executive Secretary, NPBCA ajanga ketdangpur tejen-tasen menden melenteptsütsü.