Sharapova-i WTT Smash Hits nung asayatsü

New York, October 5 (Agencies) : Ozüngi memelaba mozü achiba atema aija tenokdangba agüja alila Maria Sharapova-i taruba hopta World Team Tennis Smash Hits nung shilem agitsü.
Sharapova-i charity event nung shilem agitsüba osangji Bodbarnü WTT-i metetdaktsü.
Iba sentong ya Billie Jean King aser Elton John nati Caesars Palace nung ayongzüker alitsü aser iba nung aruba senji Elton John AIDS Foundation nem tenla agütsütsü.
Sharapova-i iba sentong nung shilem agitsü atema kanga yongyar ta metetdaktsü aser la McEnroe, Andy Roddick, Martina Navratilova, Mardy Fish, Mark Philippoussis aser Liezel Huber nunger den züngsemtsü.
Ozüng alema mozü amshiba onük nung aija Sharapova küm ana tennis asaya nungi nokdanga liasü saka Mongulbarnü sports court kati temerenshiji ita 15 ajema kümtsü. Taküm January ita Australian Open nung Sharapova-i heart medication ‘meldonium’ achiba puteta liasü.