ISL 2016: Atletico de Kolkata-i Kerala Blasters akok

Kochi, October 5 (Agencies) : Taoba mapang Indian Super League champions Atletico de Kolkata-i tanü Kerala Blasters FC den asaya nung takok nguogo.
Bodbarnü Kochi nung aliba Jawaharlal Nehru Stadium nung Kolkata aser Kerala tsüngda asayadang Javier Lara-i minute 54 buba ATK atema goal tongtipangji agütsü aser iba ajanga parnoki takok angu.
Kolkata nung ATK-i yaküm champions Chennaiyin FC den mezüngbuba asaya asayadang goal 2-2 nung tembang.
Kerala Blasters-ia NorthEast United FC den mezüngbuba asaya asayadang goal 0-1 agi tamakok ngua liasü.
Tanü asaya tetenzüklen ATK marquee player Helder Postiga aser Iain Hum nati kanga junga asaya saka asaya tenzüker minute 17 buba nung Postiga yiru aser Juan Belencoso-i pa melenzük.
Postiga yiruba sülen Atletico de Kolkata pur asaya tera raksa saka Belencoso-i kanga junga asaya aser goal ka tera agi dang meidaktsü.
Atletico de Kolkata-isa maongka tajung ka amajok kümdaktsü aser ibaji Sameegh Doutie-i goal yoktsü metsüba ball goalkeeper-i noktangtet.
Kerala asayartemi minute 26 buba nung gaol agütsütsü merang aser Nazon-i Kolkata asayar ana tashi paitokteta ball bener tur Antonio German nem agütsü saka pai ball tezüleni metsüdok.
Asaya tanabuba shilem tenzüker Atletico de Kolkata asayar Javier Lara-i goal ka agütsü. minute 54 buba nung Belencoso-i pa nem ball agütsü aser idangji Javier-i goal idakja liasü.
Kerala Blasters manager Steve Coppell-i asayar tasen kar anioka asayadaktsü saka ATK defence kanga akangakanga aliba ajanga parnoki goal ka danga magütsütet.