Nagaland University nung tesayurtem longkak aiter

Kohima, Oct 5 (TYO): Tanü Bodbar nü Nagaland University Meriema Campus nung tesayurtem longkak aita mapa meinyaki sodi agiba ajanga takoksa timtem ajuruogo.
Central Executive Council – Nagaland University Teachers’ Association (CEC-NUTA)-i ashiba agi, parnok ajak mapa moi ‘mass casual leave’ agiba ya Federation of Central University Teachers’ Associations (FEDCUTA) aser All India Federation of University & College Teachers’ Organisations (AIFUCTO) nungertemi International Teachers’ Day amongba anogo nung mass casual leave agitsü lemtetba nung shilem agiba mapa ka liasü.
Ibayongji, CEC-NUTA-i ashiba agi, Nagaland Univeristy kübok campus asemprongla nung NUTA nung züngsempurtem ajaki FEDCUTA telemtetba nungita shilem agiogo.
University nung tesayurtem longkak aitba ya parnok nem mapang shitak nung promotions aser pension magütsüba aser shisaliok bushiba maparen ya senotsü bushiba mapa amato ka dang kümdaktsüba sentongtem anema inyakba liasü.
Item dakji alaka tesayurtemi University nung autonomy agir aser kaketshirtem rongnung pei bilemba ashitsü aser o lemteptsü asoshi lenmang sadema lapoktsütsüla ta akanger.