Yipru mopung ‘Matthew’ ajanga Haiti nung nisung 39 asü

October 06, 2016: Saint-Louis, Haiti nung yipru tesashi (Hurricane), Matthew-i Tenla ki ka raksatsüba telung nung tebur chanu ka nokdaka aliba noksa nung angur. Haiti nung rescue mapa inyakertemi jila balala kanga saka tongteta nisung asüba aser teraksa bener arutsüba osang jangjaogo.

Port-Au-Prince, October 06 (Agencies):  Yipru mopung tesashi ‘Matthew’ ajanga nisung 39 süogo aser asürtem timbaji Haiti nung nisung 35 liasü, ta ketdangsertemi ashi.
Brihostibarnü iba yipru ya north tsütsüleni ona Bahamas ajanga Florida tsütsüleni ondar.
Haitis civil protection service-i ashiba agi linük nung nisung 23 süogo aser parnok timbaka süngdong laoba, jana agi onsetba aser tzümetsüng nung asü.
2007 küm Felix yipru agi Caribbean kongshiba sülen tang Mathew yipru agi kongshir.
Mongolbarnü aser Bodhbarnü iba yipru ya Cuba aser Haiti na nung ghonda nung mile 140 tekara aonba den külemi tzünglu arua liasü, koba ajanga kisetshiruru, aonsotsü aser kiojen jenti raksatsüogo.