Dimapur Police Commissioner office ajanga metetdaktsür

Dimapur, October 6 (TYO): Controller of Explosives, GOI tetuyuba nung ajemdaker, ozüngi memelaba, bendanglen yangluba tapoktsütem (fireworks) nokdanger. Kija aser lokti shirnoki item oset yokdir mesüra alia amshidir ozüng nung aliba ama merenshitsü, ta Dimapur Police Commissioner office  ajanga sangdongogo.
Ano tanga osang ka nung  Oct 4, 2016 nü arishi küm 25 nungi 30 tsüngda, tsümar ka Showuba tesemlen tango mesashiteti lia angu. Pa CIHSR, Dimapur-i anir oa ICU nung ayu. Aji oda anepaluaka iba nisung Oct 5, 2016 nü asü. Iba tasümang amanglemi shinga maruba ajanga District Hospital, Dimapur nung tasümang ayudak lir, ta police sangdong ka ajanga metetdaktsü.
Osang tejangja metetnertemi, Diphupar Police Station nung Officer-in-Charge den mobile number +91 7085055022 ajanga jembi nung ajungtsü.