International Criminal Court nung madentsü: Burundi

Bujumbura, October 07 (Agencies): Burundi linüki United Nations (UN) kübok tentetba tematiba okadak, International Criminal Court (ICC) nung madentsü bilemba olen ka metetdaktsüogo.
Burundi Tir, Pierre Nkurunziza-i par linük temzüng alema inyaka, Tir menden tasembenren abentsü nükjidong nung election nung candidate ama toktepa shilem agitsü sentong renemba osang sangoktsüba ajanga par linük nung raratep aser iba amala lendongtsüdong bener arutsüba den sentakba bushisüngdangtsü tetuyuba ka ICC-i agütsüba sülen par linüki ICC nung madentsü renemba osang ya tan sangoktsür lir.
“Ozü Burundi linüki ICC toktsütsü maparen inyaktsü asoshi parliament nung onük benokogo,” ta Burundi First Vice President, Gaston Sindimwo-i sangoktsüba den külemi, ICC-i Africa nung alir nübur temeten anema inyaker ta shia, ICC aitsüba olen ka metetdaktsü.