IRCS Mokokchung Branch-i mozü angati lemtsü

Mokokchung, Oct 7 (TYO): Indian Red Cross Society Mokokchung District Branch-i Oct 6th nü Dr. Imkongliba Memorial District hospital (IMDH) Mokokchung nung treatment agii arur ajak nem mozü angati lema agütsü, ta IRCS Mokokchung District Branch Honorary Secretary, Dr Takosunep Aoi sangdong ka ajanga metetdaktsü.
Iba den külemi ano IMDH nung shiranga amungertem nema concerned doctor-temi mozü zülutsüba ama sen tasak jenjang mozü densema angati agütsüogo, ta paisa ashi.
Angati lemtsüba mozütemji mozü company balalai teyari agütsüba den ano temulungertemi tenla agütsüba IRCS Mokokchung Branch senpong nungi alir agütsü, ta paisa shisem.