Billy Graham, Tiemakhe, Senapati & Nagaland Police (Blue) quarter-i iogo

Kohima, October 07 (TYO): Billy Graham Football Club, Tiemakhe Kidima, Senapati Football Club aser Nagaland Police (Blue) teloktemi takok ngua, tang tasayadak 17 buba NSF Martyrs’ Memorial Trophy asayamong quarterfinal-i tanü, Hokolbar nü iogo.
Tanü mezüngbuba asaya nung Graham teloki goal 3-1 agi Ziekezou Sporting Club telok madak takok angu.
Aneingu-i asaya tenzüker minute 36 buba nung goal  ka agüja par Ziekezou telok temaba jenjang nung ajungkettsü saka Chisie Nyusou-i minute 43 buba nung goal agütsüba den  Avilhou-i minute 58 aser 63 buba na nung goal 2 agütsüba yong par Graham teloki takok nguadok.
Tanabuba asaya nung D. Paul Pangmei-i minute 2 tsüngda nung goal 1 agüja, par Forest Colony telok temaba jenjang nung ajungkettsü.
Ajisüaka, Zadutol Phinyo-i minute 12 buba nung goal-ji meyiptsüba den Shürhosül Pucho-i minute 18, 20, 26 asre 38 buba nung goal 4 aser Vikethozo Pucho-i minute 25 buba nung goal 1 agütsüba ajanga par Tiemakhe teloki goal 6-1 agi ajemshia akok.
Koveo-i minute 8 aser 21 buba nung goal 2 agütsüba den Neru Chand-i minute 30 buba nung pa tekolak agi goal 1 agütsüba ajanga par Senapati telokia goal 3-0 agi Phesama Students’ Union telok madak tasembuba asaya akok.
Tanü pezübuba aser tatembangba asaya nung Police teloki goal 3-2 agi Crony FC Khuzama telok tsükdaktsü.
Muluvoto Rhakho, Vizorü Peseyie aser Imsumanen Jamir nungeri minute 30, 40 aser 54 buba nung goal kaka agüja, par Police telok temaba jenjang nung ajungkettsü.
Tesülen, Onotso-ia minute 57 aser 59 buba nung goal 2 agüja, par Crony telok jenjang tajungba kümdaktsü saka tanüngba asaya mapang nung tanüngba goal 1 meyiptsütetba yong par teloki tamakok ajuru.
October 8 nü asaya yamai alitsü:
1.           Nagabazar Youth Organisation vs Headwinds FC Chiechama @ 11am
2.           Faith SC, Dmp vs Meriema YO @ 12:30pm
3.    Nagaland Police (Red) vs Kigwema SU @ 2pm