Municipal Affairs Department-i metetdaktsür

Dimapur, October 7 (TYO): Nagaland Municipal Act, 2001 nung Arla 25(1) kübok State sorkari Municipal Councils aser Town Councils election agitsü tetuyuba agütsüogo, ta Municipal Affairs Department-i sangdong ka nung metetdaktsü.
Nagaland Municipal Act, 2001 (Amended), nung Arla 23 A (1) nung aliba ama, tetsür nem menden lemzüktsüba inyakyimji taruba Municipal General Elections nungi mapa küma inyaktsü, ta Municipal Affairs Department sangdong nungsa metetdaktsü.