‘Doctor Strange’ film US nung sayanü India nunga sayatsü

Mumbai, October 9, 2016 : Marvel indang “Doctor Strange” film November 4, 2016 nü, US nung sayatsü aser iba kasa anogo nung India nunga sayatsü.
Iba den külemi iba film nungi agizükba minute 15 video clip ka India nunger iba film sapurtem nem reprangtsü maongka agütsütsü.
“Doctor Strange” film indang clip ji linük ajak rongnung India nung mezüng sayutsü. Film nung Benedict Cumberbatch aser Rachel McAdams nati tongti shilem agia lir. Iba film indang clip ji Mumbai nung aliba IMAX screen nung sayutsü.
“‘Doctor Strange’ ya tanga superhero film tem dang nungi balaka lir. Aji dang masü saka film nung Benedict Cumberbatch yimya balaka nung angutsü. Iba film ya Marvel Cinematic Universe indang mezüng film lir,” ta Disney India Studios nung Tatong Tir Amrita Pandey-i sangdong ka ajanga metetdaktsü.
“Marvel Studios’ indang ‘Expand Your Mind: An IMAX® 3D Exclusive First Look’ inyakyim nung ajemdaker iba film indang clip tatsüka sayutsü alibaji India nung Marvel sapurtem atema lir. Iba minute 15 clip reprangertemi film nung Dr. Stephen Strange shilem kechi ibaji meteta akümtsü,” ta Pandey-i ashi.
“Doctor Strange” film nung Chiwetel Ejiofor, Benedict Wong, Michael Stuhlbarg, Benjamin Bratt, Scott Adkins, Mads Mikkelsen aser Tilda Swinton nungeria shilem agia lir.
Iba film Scott Derrickson-i direct asü aser Kevin Feige-i produce asü.