Monika Ghurde tepsetba atema nisung ka apu

Panaji, October 9 (Agencies) : Taoba Bihostibarnü Sangolda nung perfume specialist Monika Ghurde tepsetba dak sendakba nung Goa police-i Deobarnü Bengaluru nung nisung ka apu.
Iba nisungji security guard Raj Kumar Singh lir aser pa ya Punjab nungi lir. Taoba mapang pa Ghurde alidak Sapana Raj Valley nung security guard ka ama inyak saka pai Ghurde indang anüshi ka auyaba sülen mapa nungi anenja liasü.
“Iba ken o atema onoki Raj Kumar Singh puogo” ta director general of police (DGP) Muktesh Chander-i osangbener dang ashi.
Ghurde indang anüshi ka Singh ket nung aliba putetba sülen pa mapa nungi anentsü ta osang angazükba sülen police-i pa dak temulung melemi bushisüngdanga aoba sülen pa apu.
Ghurde indang anüshi samabaji Singh ket nung anguba sülen tena tsüngda kanga mejungi raratep ta bushisüngdangertemi osang angazük.
Iba mapang Singh-i Ghurde dang kanga jashiok aser iba jagi pai la tepsettsü mulungtet asütsü akok, ta police ketdangser kati ashi.
Taküm August ita Singh mapa nungi anentsü, ta paisa shisem.