Kochi, October 9 (Agencies) : Deobarnü tang tasayadak Indian Super League (ISL) asayamong nung Kerala Blasters aser Delhi Dynamos na tsüngda Jawaharlal Nehru Stadium, Kochi nung asayadang shingaia goal ka tanga meyokteti tembangba ajanga Kerala Blasters-i point ka nguogo.
Delhi Dynamos-i tanü anguba point zünga tang tashi nung point pezü ngua lir aser ISL nung tang temaba jenjang asembuba nung lir.
Kerala-i point ka nguteta tang tashi nung team 8 rongnung jenjang tenet buba nung lir aser jenjang ti buba nung Goa FC lir.
Tan ISL temaba jenjang nung telok ana lir — NorthEast United aser Mumbai City FC — telok anaprongi tang tashi nung point trokrok nguteta lir.
ISL: Kerala aser Delhi naprongi goal meyoktet added by nungsang on
View all posts by nungsang →
You must be logged in to post a comment Login