Dimapur nung mejangjatetba tasümang ka angu

Dimapur, October 11 (TYO) : October 7, 2016 nü Khehoi yimtsüng nung Hetoi leni aoba lenmang anasa nisung tasümang ka angu, ta Addl. Dy Commissioner of Police/PRO, Dimapur-i sangdong ka nung metetdaktsü.
Iba nisungji arishi küm 30 nungi 40 tsüngda aser Naga nunger ka asütsü amai temulung melemi bilemer. Tasümangji shizüka orr liasü, ta sangdong nungsa ashi.
Tasüsangji Capri pants aser ‘Rowing’ ta zülua aliba T-shirt tanak ka sema liasü aser pa mang District Hospital, Dimapur Morgue nung yua lir.
Iba dak sendakba osang metetpelanürtemi Officer-in-Charge, Niuland Police Station den +91 7085055025 ajanga tongteprateptsü akok, ta Dimapur Police-isa metetdaktsü.