Tyrants, Kuki United & Forerunners pre-quarter-i iogo

Kohima, October 11 (TYO): Tyrants Football Club Khuzama, Kuki United FC aser Forerunners 4th NAP teloktemi takok ngua, tang tasayadak 17 buba NSF Martyrs Memorial Trophy football asayamong pre-quarterfinal asayatsü temeten tanü, Mongolbar nü nguogo.
Tanü mezüngbuba asaya nung Tyrants teloki goal 3-1 agi Nagaland University Kohima Campus (NUKC) telok tsükdaktsü.
Vilhouvoto-i minute 13 buba nung goal 1 agüja, par Tyrants telok temaba jenjang nung ajungkettsü saka NUKC asayar, Zachamo-i minute 21 buba nung goal-ji meyipja, par telok anaprongla kasa jenjang kümdaktsü.
Tesülen, Kapzei aser Vilhouvoto nati minute 58 aser 63 buba na nung goal kaka agütsüba ajanga par Tyrants teloki takok nguadok.
Kuki telokia goal 3-0 agi Tsiekedi Sporting Club telok madak takok ngua, pre-quarter asayatsü jenjang angu.
Mangminlen Kipgen, Seilenmang aser Gigin Haokip nungeri minute 10, 29 aser 37 buba nung takokba goal 3-ji agüja, par Kuki telok nem takok ngudaktsü.
Forerunners telokia goal 6-2 agi Country Boys FC, Peren telok tasembuba asaya nung tsükdaktsü.
Medoneituo aser Nyethong nati par Forerunners telok asoshi minute 16 aser 20 buba nung mezüngbuba goal 2 agütsüba sülen Mathing-i minute 24 buba nung par Country telok asoshi goal 1 agütsü.
Tanabuba asaya shilem shilem nung, asaya tenzüker minute 36 aser 48 buba nung Mathew aser Vimelie Chase nati Forerunners telok asoshi 3 buba aser 4 buba goal agütsüba sülen Mansak-ia minute 53 buba nung par Country telok asoshi 2 buba goal agütsü.
Tesülen, asaya tenzüker minute 55 aser 70 buba nung Matthew-i par telok asoshi 5 buba aser 6 buba goal agüja, tan asayamong nung hat-trick yanglur asayar 10 buba küma, par Forerunners telok nem takok ngudaktsü.
Ano külen, yashi, Hombar nü asaya nung Naga Hospital Colony, Tragopan Club Viswema aser P. Vizheto Football Club, Niuland teloktemi takok ngua, pre-quarterfinal asayatsü jenjang ajangzüka liasü.
October 12 nü asaya yamai alitsü:
1. Nagabazar Y O VS Asiifii Christian College @ 12:30 pm
2. Barak FC VS Meriema Village Y O @ 1:30pm