Unger nung Volleyball Tournament ayonger

Dimapur, October 12 (TYO): Mokokchung kübok Unger yimtsüng nung volleyball asayamong ka taruba November ita 4-5 nü tashi asayatsü asoshi Unger Baptist Church Youth Ministry-i ayongogo.
Iba asayamong nung Langpangkong area nungi dang asayar teloktemi shilem agitsü melatsü renema lir.
Tan asayamong nung 1 buba aser 2 buba jenjang angur telok nem sen 15,000 aser 10,000 senpet agütsütsü renemba den Player of the Tournament asayar nem senpet sen 1000 agütsütsü renema lir.
Tejangrar telok shia nungi asayamong nung shilem agitsü taasen sen 1000 agitsü aser asayamong nung shilem agitsü osang temonoba agi tan October ita 31 nü tashi nung tayonger ket tongtsütsüla.
Iba asayamong den sentakba osang tali jangjashitsü jangrartemi mobile no. 8415960152 / 9774169181 ajanga tongteprateptsü akok.