Dimapur 12 buba Inter District & State TT champions kümogo

Kohima, October 13 (TYO): Dimapur teloki temaba jenjang ngua, anogo 3 agia asayaba 12 buba Inter District & State Table Tennis (TT) Championships nung champion telok kümogo.
Nagaland Table Tennis Association (NTTA)-i ayongba asayamong nung Kohima teloki tanabuba jenjang ngua liasü.
Tetsür singles tetoktepba nung Kohima asayar 2 – Thejavinuo Rio aser Avitoli Yepthomi nati temaba jenjang 2 angu aser tebur singles tetoktepba nung Dimapur nungi Dijanglung Kamson-i temaba jenjang aser Kohima asayar, Kerihosa Natso-i tanabuba jenjang ajangzük.
Youth singles tetoktepba nung Kohima nungi asayar 2 – Dzesevituo Metha aser Metevito nati temaba jenjang 2 angu aser Junior singles tetoktepba nunga Kohima nungisa, Dzesevituo Metha aser Ihubuing Haikube nati temaba jenjang 2 ajangzüka liasü.
Tebur doubles tetoktepba nung Kohima nungi Athisu Andrew o Kevichukho nati temaba jenjang aser Dimapur nungi Shekhar Debnath o Hito Shohe nati tanabuba jenjang angu aser Youth doubles tetoktepba nung Kohima nungi Aochuba Jamir o Meyinukshi Lkr nati temaba aser Mokokchung nungi Tzuwatoshi o Soyimeren nati tanabuba jenjang angu.
Ano külen, tan asayamong nung Mokokchung teloki Best Disciplined Team aser Dimapur asayar, Duanthaolung Gonmei-i Upcoming Player of the Year takokba ngua liasü.
Nizheto Awomi, Deputy Director, Youth Resources & Sports-i asayamong shibangba sentong nung tetushi tesemdanger ama shilem agia, takoker nem sempet/senpet agütsü.
Kohima District Table Tennis Association (KTTA)-i ketdangsüa asayaba asayamong nung Kohima, Dimapur aser Mokokchung nungi ajak agi asayar 84 tashi toktepa shilem agia liasü.