NP (Blue) & Forerunners NSF quarter tongogo

Kohima, October 13 (TYO): Nagaland Police (Blue) aser Forerunners 4th NAP telok nati takok ngua, 17 buba NSF football asayamong quarterfinal-i tanü, Brehostibar nü iogo.
NP teloki goal 3-0 agi Naga Hospital Colony Youth Organisation telok prequarterfinal nung tsükdaktsü.
NP forward, Lamphong-i takokba goal 3 prongla agüja, tan asayamong nung hat-trick yanglur asayar 11 buba aküm.
Tanabuba asaya nung Forerunners telokia goal 3-0 agi Billy Graham FC telok madak takok angu.
Kezhose Matthew-i minute 19 aser 56 buba nung goal 2 agütsüba sülen Vimelie Chasie-i minute 61 buba nung takokba goal agüja, par Forerunners telok nem takok ngudaktsü.
Ano külen, Angami Students’ Union aser Naga Students’ Federation ketdangsertem na tsüngda exhibition asaya ka tan October 16 nikongdang 3:00 ako nungi tenzüka asayatsü renemba osang ka tayongeri metetdaktsüogo.
October 14 nü asaya yamai alitsü:
1. Tiemakhe, Kidima vs Tragopan Club,Viswema @ 12:00 Noon
2. Nagaland Police Red vs Kuki United FC @ 1:30 pm