Akshay den külemi nüknürar film nung shilem aginür : Esha Gupta

Mumbai, October 17 (Agencies) : Bollywood actress Esha Gupta-i Akshay Kumar den külemi nüknürar film ka nung shilem aginür ta metetdaktsü.
“Ni Akshay Kumar den nüknürar film ka nung shilem aginür aser ibaji atalokra ni Bollywood nung shilem agiba nung takok anguba ama asütsü” ta Esha-i ashi.
La Bollywood nung majemokdang yongi lai Akshay kanga ketasena liasü ta laisa shisem.
“Action mesüra romance film süang, pa dak sentsü ka lir aser ‘Punjabiness’ keta lir” ta Esha-isa metetdaktsü.
“Ni Akshay Kumar den külemi shilem agitsü ta osang angashiba anogo ni kanga pela, saka film nung ni pa meimer ka ama shilem magitsü ta metetdang, ni kanga tesü atang” ta “Rustom” nung Esha-i Akhsay den külemi shilem agiba atema asüngdangdang lai ashi.