Lochte-i 4 buba 200m IM world gold atonga agizükogo

Kazan, August 06 (Agencies): America nunger Ryan Lochte-i 4 buba 200m individual medley (IM) gold atonga agizüka tang tasayadak World Swimming Championships otsü tasen ka tanü Brehostibar nü yangluogo.
Lochte-i tanü second 0.81 nung alizüng mezüng tonga gold medal-ji agizük.
Lochte sülen anidaka, Brazil nunger Thiago Pereira-i second 0.84 aser China nunger Wang Shun-i second 1.00 nung alizüng tonga silver aser bronze medal agizüka liasü.
2005 nungi tenzüka tanü tashi nung world championships gold medal 16 tashi agizüksang, arishi küm 31 tain Lochte ya alima ajunga nung world 200m IM gold medal 4 tashi atonga agizüker tzüwar kija akümer lir.