Kohima nung nisung 2 tsükset

Kohima, October 17 (TYO) : Hombarnü Kohima kübok Indira Gandhi stadium anasa gari lendong ka nung nisung ana tsükset.
Osang angazüba agi, Maruti Zen gari ka nung nisung pungu mena lia Assam Rifles truck gari ka den tsüktep.
Gariji Tsiemekhuma yimtsüng nungi Kohima leni arudang 5 Sector Assam Rifles indang gari denji tsüktep, ta osang ajangasa ashi.
Lendong atalokba sülen teyirurtem mozükidangi anir aodang, len tom nung nisung ana asü aser driver dena nisung ka Intensive Care Unit nung anepaludar. Maruti Zen gari nung mena aliba nisung pungububaji kangabo meyiru, ta osang ajangasa metetdaktsü.
Iba osang zülu tashi nung, lendong atalokba osang bushisüngdang tesüdak liasü.
AR-i mang ayimer
Ano tanga sangdong ka nung, Inspector General Assam Rifles (North)-i October 17 nü gari lendong nung asürtem atema mangayimer ta metetdaktsü.
“Onoki Assam kübok Teillijon yimer Mrs Keileu aser Mr Jesse na asüba atema kinüngertem den asüku lemsateper aser iba ama takoksa mapang ka nung Tulusangi tesünep agüjang ta sarasademer,” ta Inspector General Assam Rifles (North)-isa sangdong nung shia lir.