Neymar-i Barcelona telok nung züngsemtsü tezüngzüktep agishitsü

Barcelona, October 17 (Agencies): Brazil forward, Neymar-i Barcelona telok nung taruba küm 5 tashi maneni züngsemtsü tenzüktep tan Hokolbar nü agishitsü renemshiba osang ka Barcelona teloki tanü, Hombar nü sangoktsüogo.
Arishi küm 24 tain Neymar-i 2013 küm nungi tenzüka Barcelona telok nung züngsema asayaba sülen par teloki La Liga takok marok 2 aser 2015 Champions League takok marok 1 agizükogo.
Neymar par telok tenüng nung maneni asayadaktsütsü atema Neymar nem mezüngbuba küm euro sen million 200, tanabuba küm sen million 222 aser tanüngba küm 3 tashi sen million 250 agütsü renemba osang ka Barcelona teloki taküm July ita 1 nü sangokja liasü.
Neymar-i Barcelona telok nung züngsemba sülen pai tanü tashi nung goal 90 tashi takok ngua agütsüba osang bushitetogo.