Serena-i WTA Finals nung shilem magitsü

Singapore, October 17 (Agencies): Tetsür tennis asayar mongin, America tsür, Serena Williams-i tongti Women’s Tennis Association (WTA) Finals nung shilem magitettsüsa akümba osang ka tanü, Hombar nü metetdaktsüogo.
Taoba mapang Grand Slam takok marok 22 ben tashi agizükla, Serena tapubang yirur kasaji tanga junga manepi aliba yong lai tan October ita 23 nü nungi tenzüka asayatsü ayongba WTA Finals nung shilem magitettsüsa akümba osang jangjaogo.
Serena-i taküm agi kümnabuba tashi atonga küm tatemlen Singapore nung ayonga asayaba tongti asayamong nung shilem magitettsüsa akümer lir.
“Ni tapubang yiruba sülen taküm küm tepiyong ni bilemba ama toktepa masayateti süidaktsüogo. Ozü doctor-i anisüngzüktsü asoshi tuyua lir aser iba yongji, ni Singapore nung ayongba WTA Finals nung toktepa shilem magitettsü ta alima dang kanga saseta metetdaktsür,” ta Serena-ia osang jangjashitsü.
Serena-i 2016 US Open semifinal nung tamakok ajuruba sülen China nung ayongba tennis asayamong 2 tashi nung shilem magiteti süidaktsü.
Lai bilemba ama shilem magitetba yong, Germany tsür, Angelique Kerber-i la ajangteta, tetsür World No.1 akümba osanga jangjaogo.