Sen lakh 7.78 jenjang Bonneville T100 saya

New Delhi, October 18 (Agencies) : Mongulbarnü Triumph-i India nung Bonneville T100 bike sayaogo aser iba ya ajanga parnok company ulushiba sayur.
Bonneville T100 bike indang jenjangji Rs 7.78 lakh (ex-showroom, Delhi) lir.
Iba bike ya tawa Germany nung aliba INTERMOT motorcycle sentong nung mezüng sayaa liasü aser Britain nunger company indang jenjang dalangtiba Street Twin bike sülen Bonneville ya lir.
Bonneville indang tereprangtsüji Triumph Thruxton R den tera mesüktepa lir aser 1950s Bonneville indang tereprangtsüa densema lir. Tanü-asüng amshiba technology den liromedema, bike nung analogue speedometer, analogue tachometer aser tanga indicator tem enoksema lir.
Bonneville indang engine ji 900cc, parallel-twin motor lir aser ibaji ajanga 5,900rpm nung 55PS aser peak torque 80Nm agütsüteter.
Bike nungsa 5-speed gearbox keta lir.