Mangkolemba nung Holistic Seminar alitsü

Dimapur, October 19 (TYO): October 22, 2016 nü Mangkolemba nung Khar Senso Telongjem atema Holistic Seminar ka ayongzüka agitsü.
Iba sentong ya Mangkolemba Town Hall nung alitsü aser sentong nung shisalen sayurtemji, Asangba Chuba IAS, Commissioner of Taxes, Nagaland, C.T. Jamir Senior Advocate, Kohima. Taliremba Jamir Office on Sepcial Duty Finance Department, Nagaland, Senti Jamir Project Manager NERCOM(IFAD) Manipur aser Er. Asenla Walling Asst. Engineer Directorate of Industries & Commerce Nagaland nunger asütsü.
Sentong nungsa NBRM & DAN Chairman, Dr. Longrineken-ia o tatsüka jembitsü.
Iba sentong nung Khar Kohima, Mokokchung, Dimapur nungi Khar Union tem, Khar Yimten , Khar Lanu Menden, Khar Gazetted Officers Union aser Khar Baptist Arogo nungi züngsemtem ajak arua adentsü mepishir, ta sentong ayongertem- Rev. S. Apong Jamir, Missionary at-large, KBA aser Rev. Dr. A. Wati Jamir, Mission Co-ordinator, Khar Baptist Arogo nati sangdong ka nung metetdaktsü.