IS teloki Iraq anüdoklentip tsütsü nisung 11 poksetdaktsü

Kirkuk, October 21 (Agencies): Piesasa pokseta asütsü mulungteter kiralongrartemi par temang nung alenokba bomb Iran anüdoklentip tsütsü, Dibis jila kübok Iran sorkari ketdang asüba kisüjensüdak pokdakja lendong atalokdaktsüba ajanga ishiba agi nisung 11 tashi tanü, Hokolbar nü poksetba osang ka sorkar ketdangsertemi metetdaktsüogo.
Ano, Islamic State (IS) kiralongrar teloki Kirkuk yimti nung tentetba police tesep ka amakdang Iraq police ketdangser nisung 6 tepsetba aser IS züngsema parnok nisung 12 tashi asüba osang jangjaogo.
IS teloki bomb-tem pokdaktsüba den külemi, tongpang nung amshitsü prangpong injang amshia, tan  police tesepji amakba osanga jangjaogo.
Tanü amakertem rong nung parnok nisung 5 shi pei temang nung alenokba bomb pokdakja police tesepti nung lendong atalokdakja liasü.
Police-ia parnok rong nung nisung ka dak injang kaloktsü saka pa asüba jakdang kiralongrasangi pa temang nung alenokba bomb pokdaktsü.
Tan police tesep amakba maparenji par teloki inyak ta shia, IS telokia tan lendong atalokdaktsüba atema tenüng agia metetdaktsüogo.
“Tanü police tesep amaker rong nung parnok 3 tashi Kirkuk tezülen, Dibis jila tonga aoba sülen pei temang nung alenokba bomb kisüjensüdak pokdakja lendong atalokdaktsüba sülen ishiba agi nisung 11 tashi poksetba osang tang tashi nung jangjaogo,” ta Kirkuk Governor, Najmadin Karim-ia metetdaktsü.