CECS-i non-formal education textbooks saya

Dimapur, October 21 (TYO) : Community Educational Centre Society (CECS)-i ‘A Comprehensive Textbook for Non-Formal Education’ adokogo.
“Textbook temji shilem ana lemsar lir aser itemji lower class o higher class atema lir. Textbook temji English, Mathematics aser Science nunger lir” ta CECS Director, Subonenba Longkumer-i sangdong ka nung metetdaktsü.
Community Educational Centre Society (CECS) ya 2005 küm tentet aser iba telok yagi loktiliba nung temelenshi bener arutsü atema alizüng yur mapa balala inyakyonga arur.
2008 nungi CECS-i non-formal education mapa tenzüker inyaka arur. Ozüng alema mapa inyakdaktsüba aser talidak mali yimdong nung lia senzüba tanurtem dak tenük yoka, parnok dak non-formal education sayur aser iba sülen formal schools nung parnok anioker.
Tanur shia shisaliok angutsü aser parnok Protection, Education, Nutrition & Health Care ngua taküm liyonga aotsü temeten lir ta CECS-i amanger aser iba nung ajemdaker CECS-i loktiliba nung mapa inyaker, ta sangdong nungsa shia lir.