Diwale nungi national roaming nung incoming call atema sen magitsü:Vodafone

Mumbai, October 21 (Agencies) : Hokolbarnü Vodafone India-i Diwali benjong nungi tenzüka national roaming mapang aruba call agizükba atema sen magitsü, ta metetdaktsüogo.
“Iba ya tenzükba sülen Vodafone India customer tem linük tesem mashi ka nung lia aruba call tem kecha tebilemtsü melii agizüka jembitettsü,” ta Company nung Commercial Director Sandeep Kataria-i ashi.
Pai, ainlen jajadang out going call tema pei telidak tesem nungi jembiba jenjang den saku amai kümogo, ajisüaka ainlen jajaba mapang aruba call agizüka jembiba atema sen agiba ya tetsükdaktsü ka lir, ta ashi.
India nung tan benjong mapang customer million 200 dak tema nem iba offer agütsür ta ashidang Kataria-i, iba inyakyim ajanga ainlen jajadang pei meimertem den kecha tebilemtsü melii sentaktepa litettsü, ta ashi.