AKM 6 buba Executive senden amentsü

Dimapur, October 22 (TYO) : Ao Kaketshir Mungdang (AKM) 6 buba Executive senden October 26, 2016 anepdang 11:00 ako nungi Moayimti yimtsüng nung alitsü, ta sangdong ka nung metetdaktsü.
Iba senden ya Tzurangkong Kaketshir Mungdang (TKM)-i acha-ayanga ayonger aser senden nung tribunal, senior executive züngsem ajak arua adentsü mepishir, ta AKM Tir, L. Jemti Longchar aser Tongti Tezülur, Bendangkumba Aier nati külem sangdong nung shia lir.